500 calories of junk

I can't believe that I just ate 500 calories of junk! Grabe gutom na gutom kasi kami ng anak ko pagkagaling namin sa school tapos pagdating namin ng bahay e walang pagkain. Susme napagdiskitahan ko tuloy yung isang de-lata sa cabinet. Huli na nung mabasa ko yung label na 500 calories pala yung laman ng isang lata! Punyeta!

Ano na naman ba ang gagawin ko? Panigurado bloated na naman ako nito mamaya. Makapag juice na nga lang. Eto share ko lang sa kung sino mang baliw na nagbabasa ng blog ko yung mga recipes ko ng juice.

Kelan lang kasi e nakalibre ako ng juicer sa Amazon. Maliit lang yung juicer, hindi heavy duty, pero okay na okay na, libre naman e.

So far, ilang beses na naman akong nagju-juice, ang pinaka da-best na juice na nagawa ko e yung combination ng cucumber at carrots, cucumber at melon, at tsaka yung carrots at apples. Sabagay, yan pa lang naman kasi ang nata-try ko nyahahahaha. Pero grabe ansarap! Kung ganito kasarap mag-detox aba e kahit araw araw magde-detox ako.

Actually, kung may garden lang siguro ako, malamang mag juice fasting ako for a month. Hindi ko lang to magawa ngayon kasi nga sobrang mahal ng gulay dito. Ngayon ko tuloy nami-miss ang pinas. Dun kasi wantusawa ka sa gulay. Doon, pag gulay lang ang ulam nyo, ibig sabihin dukhang dukha na kayo, kawawang kawawa, aping api, at kung ano ano pa. Susme, hindi lang alam ng mga nasa pinas, yun ang pinaka-healthy na lifestyle.

Hosia jan na muna kayo at makainom na ng carrot cucumber juice :)