Friday, April 17, 2009

dati...

dati, halos mapuno ang blog ko tungkol sa kanya, puro na lang sya, iniiyakan ko sya lalo na pag naaalala ko yung dati, nung magkasama pa kami, parang ganito rin ang panahon nun, tag-ulan, tapos nagde-date kami kahit umuulan, at bumabagyo nung naging kami, akalain mong naaalala ko pa yun? syempre, naging bahagi ng buhay ko yun e, naging bahagi sya ng buhay ko, isa siya sa mga pinakaimportanteng tao sa akin,

ang hirap makalimot, hanggat pinipilit mong kalimutan ang isang tao, lalo mo lamang syang hindi makakalimutan, kaya hinayaan kong manatili sya sa loob ko, sa loob ng mahabang panahon, hinayaan kong mabuhay ako sa pangarap, pinaniwala ko ang sarili kong ako pa rin ang mahal nya, kahit malabo, kahit imposible,

palagi kong sinasabi kahit kanino na ako pa rin ang mahal nya, siguro kasi hindi lang kayang tanggapin ng isip ko na makakalimutan nya ako, yung pinagsamahan kasi namin, kahit gaano kaigsi, hindi basta basta pwedeng kalimutan, kung ako nga nahirapang kalimutan sya e, at kung nakalimutan nya nga ako, ganun ba ako kadaling kalimutan?

minsan akong naging tigyawat sa buhay ko, oo, sa mukha nya, gaya ng sabi ko dati, halos magsawa na sya sa kakalagay ng gamot para lang maalis ako sa mukha nya, at tiniis ko ang sakit nung mga gamot na nilalagay nya, para lang maalis ako, hanggang sa nagsawa sya, at ganun din ako,

ang pinakamasakit dun, tinuring nya akong tigyawat, tinuring nya akong isang dumi sa mukha nya, ikinahiya, binalewala, hindi ipinaglaban, wala ng mas sasakit pa para sa isang babae ang balewalain at ikahiya ng lalaking mahal nya, at hindi rin ako makapaniwala sa sarili ko, nagawa na nya sa akin yan pero minahal ko pa rin sya,

it takes an apple to forget an orange...

totoo, akalain nyo yun, kailangan ko lang palang makilala si mike para lang makalimutan ko sya, at gaya ng sabi ko rin dati, nung ako ay tigyawat pa, aalis din ako sa mukha nya balang araw, makakalipat din ako mukha ng isang tao na hindi tigyawat ang magiging turing sa akin, at eto na nga, si mike na nga ang sagot sa lahat, buti na lang pala hindi ako umuwi, buti na lang pala, at kaya naman pala ako naghintay eh, kasi nagpapahintay pala si mike...

tapos ngayon, bumabalik sya, nagsisisi, humihingi ng tawad, nung tumawag sya sa akin, umiiyak sya, gusto nya akong bumalik, babalik ba ako? hindi na, wala na akong maramdaman e, hindi ko na maramdaman yung dati kong naramdaman para sa kanya, kaya wala ng dahilan para bumalik pa ako sa kanya,

dati may nabasa ako, sabi nila, ang lalaki daw, pag nakipagbreak sayo kala mo kaya nila, pero antay ka ng ilang buwan saka ka tatawagan at saka magtatanong "ano bang meron ka?" ngayon ko nalamang totoo yan, wag lang buwan ang bilangin mo, taon, kasi, sa totoo lang, yung ibang lalaki, lalo na pag immature pa, mga tanga yan e, hahayaan nilang mawala ka, kahit ayaw mo, saka lang nila maiisip yung katangahan nila pag nawala ka na sa kanila, ang mga lalaki talaga oo...

classmates and schoolmates in high school...

wala lang, nakita ko yung mga classmates ko nung high school sa friendster, nakakatuwa yung iba, yung mga tatahitahimik at tinuturing na commoner ay mga asensado na ngayon, nakakatuwa talaga...

tapos yung iba naman, yung mga dating angyayabang, e mayayabang pa rin hanggang ngayon, pero ang nakakatuwa lang, kase ngayon e ampapanget na nila weh! nyahahahahaha... tiningnan ko talgang mabuti yung mga pictures nila sa friendster, kasi yung iba hindi ko na makilala, kasi mga mukhang manong na hahaha, yung mga feeling pogi nuon, e feeling pogi pa rin hanggang ngayon, yun nga lang, gang feeling na lang sila, tapos yung mga talande e, ayun, mga losyang na nyahahahaaha... pero talande pa rin, hehhehe... may mga payat na nagtabaan, at may mga payat na payat pa rin, yung mga hindi nawawalan ng boypren at gelpren nuong high school e mga mukhang pinagsawaan na ng boypren at gelpren ngayon, hay buhay...

tama nga si bob ong, yung mga dating crush ng bayan sa school e nagmumukhang pandesal din pagdating ng araw, wahahahaha...

visa journey dot com

dating post na to, lipat ko lang dito =)


tagalugin ko na lang para mahirapang mag-translate ang mga MIB (maiitim ang budhi) nyahahahah

pumunta kayo sa artikulong ito na kung saan ay minaliit at inapak-apakan ang pagkatao ng pinay ng mga akala mo kung sinong magagaling sa mundo pero jusme mga wala namang sinabi, pero bilib din ako sa pagpapalusot nila, huling huli na e lumulusot pa rin, at pag nasukol mo na sila, hah! saka ka nila pepersonalin,

ang naturang artikulo ay nasa isang forum na kinabibilangan ng ibat ibang lahi at uri ng tao sa ibat ibang panig ng daigdig, at ako ay kaanib din dito, www.visajourney.com ang pangalan ng website, sa aking palagay, itinatag ang website na ito para magbigay impormasyon at makatulong sa lahat ng nagnanais na makapiling ang kanilang mga mahal sa buhay na naninirahan sa Estados Unidos ng Amerika,

ngunit sa kasamaang palad, dahil sa ang forum na ito ay kinabibilangan ng ibat ibang lahi at uri ng tao, hindi maiiwasang makasagupa ng mga taong walang kwenta, mababang uri, mapangmata, at mapanghusga, gaya ng mga taong inyong mababasa sa artikulong ito at ito pa na walang ibang ginawa kundi laitin, maliitin, at siraan ang mga filipina,

sa totoo lang, hindi kailanman karapatdapat pag ukulan ng pansin ang mga ganyan kababang klase ng mga tao, subalit paminsan minsan kailangan din naman nating ipagtanggol ang ating lahi lalo na kung ito ay labis ng sinisiraan ng mga taong walang ginawa kundi ang makialam sa buhay ng may buhay,

naniniwala ako na lahat ng forum ay may mga moderators at ang iba pa nga ay mayroon pang tinatawag na organizers, ano ba ang tungkulin ng isang moderator o organizer? base sa aking kaalaman dahil ako ay isang moderator/organizer din, ang moderator ay syang taga-ayos o taga-saway kapag may bumabangong hindi pagkakaunawaan, at ang organizer naman? ang organizer ay isang taong pinakakatiwalaang mag-ayos ng forum kung mayroong mga naliligaw na artikulo at taga-lagay sa tamang kategorya, naniniwala din ako na ang admin ng kahit saang website ay may sapat na kaalaman para pumili ng kung sinumang nais nyang maging moderator o organizer ng isang forum, at hindi sya maglalagay ng moderator o organizer na sa tingin nya ay walang kapasidad,

kung ikaw ay isang organizer, nakakahihigit ka sa isang pangkaraniwang miyembro, at ang pangkaraniwang miyembro at automatic na magkakaroon ng respeto sayo dahil sa naniniwala ang lahat ng miyembro na hindi ka pipiliin ng admin na maging organizer kung hindi ka karapatdapat, at bilang organizer, dapat ay hindi lang artikulo ang inaayos mo, bilang responsableng mamamayan, dapat ay marunong ka ring pumagitna at sumaway lalo na pag hindi available ang mga moderators,

ngunit sa kasamaang palad, sa visajourney forum, may isang organizer na siya pa mismo ang pasimuno sa pagkakaroon ng pagkakampi kampi at siya pa ang numero unong nakikisali at nagpapalaki ng gulo, dati ay akin syang iginagalang, subalit nung nakita ko kung pano nya pagtawanan at laitin ng isang pinay na pinag tutulung tulungan ng mga matatandang binasted ng mga pinay, mabilis pa sa alas kwatro ang pagkawala ng respeto ko sa kanya, kaya wala na akong pakialam kung sya man ay isang organizer dahil sa napakababa na ng tingin ko sa kanya, sya ay nag ngangalang "carlos,"

may mga grupo na kung tawagin ay "filipina haters" ang forum na ito, at inaakala ng mga "filipina haters" na ang mga filipina ay walang pinag-aralan at jan sila nagkamali, kaya naman bilib na bilib sila sa mga sagot ng mga pinay, at pumapalakpak ang tenga nila kapag sila ay sinasagot ng mga pinay dahil sa nagkakaroon ng buhay kahit papano ang kanilang mga walang kakwenta kwetang buhay,

may ilang mga matatandang lalaki sa visajourney na galit na galit sa mga pinay, ito kaya ay dahil sa sila ay binasted at iniwan ng mga kapatid nating pinay? haha! malamang! at hindi ko rin naman masisisi ang mga pinay na nambasted at nang iwan sa kanila, e ang papanget naman kasi nila noh! lalo na ang lalaking nagngangalang roi_aggie, na ganun na lang kung makapanlait ng pinay, at pagnakita nyo ang kanyang litrato sa kanyang pahina, hindi na kayo magtataka, mas maitim pa ang ugali nya kesa sa kulay ng balat nya, at kung gaano sya kapanget ay ganun din ang pag uugali nya, nga pala, maaari kang manalamin sa isang parte ng ulo nya, hulaan nyo na lang kung saan, hehehe...

marami pa sila, anjan si Amby, mawilson, natty-bumppo, at marami pa, na pawang mga kaawa awang mga nilalang, mga patapon,

may ilang kababaihan din na "filipina haters" at hindi ko alam kung bakit sila galit sa mga pinay, pero ayon sa akin nabasa, may isa na iniwan ng kaniyang asawang amerikano at pinagpalit sa isang pinay, haha! magtataka pa ba kayo? sa panget ng pag uugali nila at sa bait at pagkamaasikaso ng pinay, talo na sila,

para sa mga pinay na pilit pinagtatanggol ang kapwa pinay, mabuhay tayo! inggit lang ang mga yan dahil sa ang gaganda natin! naisipan kong dito ipost ang artikulong ito at hindi na sa visajourney, baka pagpiyestahan pa ng mga MIB, at pagnagkataon, nagawan ko na naman sila ng pabor, dahil sa magkakaroon na naman ng excitement ang walang kakwenta kwentang buhay nila, wag na, hehehe...

Thursday, April 16, 2009

filipino style spaghetti sauce

This is a very simple and yet tasty spaghetti sauce.

parmesan pork medallion

This is not just mike's favorite, but also mine, the combination of parmesan cheese and bread crumb is awesome!

Wednesday, April 15, 2009

potato

This is a recipe I learned from www.foodwishes.com my husband likes it a lot =)

Tuesday, April 14, 2009

ang mga pinoy talaga oo...

nagcontribute ka na nga, kung ano ano pa sinasabi, buti sana kung sila e nagko-contribute din, e hindi naman, tsaka okay lang namang mag-critize lalo na pag maayos yung pagkakasabi, tsaka iba naman ang criticism sa insulto, ang mga pinoy talaga oo...